اصبح اليوتيوب اليوم حلم لكثير من الاشخاص بسبب عرض اعلانات جوجل ادسنس و تحقيق الربح منه فازداد عدد الاشخاص صناع المحتوي او الفيديو و تم إنشاء العديد من القنوات مما جعلم يتسابقون في نشر الفيديوهات و الابداع في محتواهم لتحقيق مشاهدات اكثر و ارباح اكثر ،ولكن هناك بعض القنوات الذين ينشرون فيديوهاتهم باستمرار و لكن بدون فائدة و ضعف في المشاهدات و الارباح.
اهم نصائح لك قبل ان تبدأ و بعد فترة تشعر بالإحباط :
١ - أول شئ لازم تعرفه ان اليوتيوب مش هيحرك الفيديو بتاعك كدا لله و للوطن حتي لو كان الفيديو في نظرك جميل و احسن من فيديوهات تانية كتير محققة نسبة مشاهدات عالية ، و هنا السبب ان اليوتيوب عشان يساعدك لازم انت كمان تساعده عن طريق نشر الفيديوهات بتاعتك علي منصات تانية زي الفيسبوك مثلا او تويتر او اي موقع انت تقدر تعمل شير عليه للفيديو بتاعك. من هنا بيبتدي اليوتيوب يبص للفيديو بتاعك انه بيجيب ناس من بره الموقع بتاعه فبيرفع الفيديو و يساعدك تجيب فيو اكتر و دي اهم حاجة لازم تاخد بالك منها و لازم تعملها ، غير كدا يبقي انت بتلعب لعبة حظ و هتفضل مستني الفرج او هتفضل ترفع فيديوهات ليها علاقة بالتريند و غالبا هتكون حاجات مش من هواياتك.
٢ - تاني شئ ان القناة بتاعتك تكون كلها عن محتوي واحد بس ،لو حابب تنزل كذا محتوي يبقي تعمل كذا قناة و تدعم كل قناة من قنواتك عن طريق الكومنت ف كل فيديو بتنزله و من هنا بدل مانت عندك قناة واحدة عندك كذا قناة و بيشغلوا بعض ، مثلا مينفعش تعمل قناة واحدة لكل حاجة ، طبخ و ألعاب أطفال ، أخبار ،إلخ إلخ. لازم القناة تبقي بتتكلم عن حاجة واحدة بس ،مش بكتر الفيديوهات اللي بتنزلها و عشان لما حد يعمل سيرش علي المحتوي اللي انت بتنزله قناتك تظهرله علي طول ،لانها ببساطة معروفة في محرك البحث انها قناة لتعليم اللغة الإنجليزية مثلا.
٣ - تالت حاجة بعد ما حددت انت هتشتغل في انهي محتوي و هترفع ايه عاليوتيوب تبتدي تكتب عنه في صفحة عن القناة اللي هي الأبووت بالإنجليزي ، دي بتحسن ظهور القناة بتاعتك و بتعرف محرك البحث القناة عن ايه. ثاني شئ الكلمات المفتاحية للقناة ،هتلاقيها ف الاعدادات لما تفتح القناة من جوجل كروم. حط جميع الكلمات اللي ليها علاقة بالمحتوي بتاعك. يعني مثلا لو قناتك عن الألعاب حط كل الكلمات اللي ليها علاقة بكلمة ألعاب ، ألعاب اندرويد ،العاب اطفال ، العاب سيارات و كدا.
٤ - دا كله و لسة متكلمناش عن الفيديو نفسه ، دلوقتي انت حددت هدفك و عرفت انت هتنزل ايه و الموضوع سهل و بسيط لو مشيت صح. لو انت بتصور الفيديوهات لازم تكون الجودة بتاعتك جودة عالية و الصوت فيها واضح مش منغبش عشان اللي يدخل الفيديو مايملش و يخرج تاني علي طول ، و لو بتعمل منتاج او بتسجل العاب زي ببجي مثلا لازم انتاج التسجيل يكون جودة عالية لو ٧٢٠ او ١٠٨٠ يبقي تمام و متضايقش من كبر حجم الفيديو و انه لما يترفع هايخلصلك باقة النت و الكلام دا بس بعد كدا هترتاح و كل لما القناة تكبر هاتعرف انك عامل حاجة مشروع و هتحبها ، و بلاش ترفع حاجات مش بتاعتك حتي لو ظهرلك انها مش حقوق ملكية لان عمرها قصير و هتتقفش بعد كدا و ممكن القناة تتقفل.
- معلومة مهمة : خلي اول دقيقة من الفيديو او اوي دقيقتين ممتعين و مشوقين علي قد ما تقدر لأن اليوتيوب بيقدر الفيديو اللي عدد وقت المشاهدة فيه عالي ، و يفضل ان اقل فيديو تنزله يكون ٥ دقايق سهلة يعني مش حوار.
٦ - بعد ما صورت و خلصت الفيديو بتاعك ابدع في العنوان و ف البداية لما تكون قناتك لسة جديدة مفهاش سابسكرايبز كتير مينفعش تكتب اي كلام و خلاص لأنك ببساطة اعتمادك كله علي محرك البحث، فالازم تكتب عنوان صح و يكون بيتعمل عليه سيرش.
تاني حاجة صندوق الوصف اللي هو الديسكريبشن ، املاه كلام عن موضوع الفيديو و دا ممكن تجيب كلام تحطه عن المحتوي بتاعك عن طريق الموقع دا :
https://keywordtool.io/youtube
هتكتب اللي انت عايزه هايظهرلك كل حاجة ليها علاقة بموضوعك ، تاخد الكلمات كوبي و تحطها عندك ، يعني مثلا لو موضوعك عن كيفية الربح من اليوتيوب ،اكتب كيفية الربح من اليوتيوب و هايظهرلك كل حاجة ليها علاقة بموضوعك بيتعمل عليها سيرش ، بالطريقة دي الفيديو بتاعك بيظهر في جوجل لما حد بيبحث عن الحاجة اللي انت عاملها زي منتا بتشوف لما بتبحث.
٧ - الكلمات المفتاحية اللي هي التاجز بالإنجليزي ، هتلاقيها تحت لما تفتح الفيديو من جوجل كروم ، حط فيها جميع الكلمات اللي ليها علاقة بالفيديو بتاعك و دي مهمة جدا لان دي اللي بتعرف محرك البحث الفيديو بتاعك عن ايه!. فبيظهروا علي اساس الكلمات دي.
و دا موقع تقدر تجيب منه الكلمات جاهزة ، اكتب بس الموضوع بتاعك ، بلايستيشن ٥ مثلا هايجبلك كل الكلمات اللي بيتعمل عليها سيرش عن بلايستيشن ٥ ، تاخدها كوبي و تحطها و لو طلعول زيادة كام كلمة امسح الكام كلمة دول.
https://rapidtags.io/generator/
و انت بتفتح الموقع ابقي خليه علي وضعية الديسكتوب عشان يبقي اسرع.
و بالتوفيق إن شاء للجميع.
أقرأ أيضًا: كيفية حصول قبول أدسنس لمدونات بلوجر
